多對配偶用良性、寬容、正面的解釋，對改善親密關係/婚姻很有幫助:

  • 當我沒有感受到佢的愛，並不等於佢不愛我。
  • 當我感受到傷害，也不代表佢故意要傷害我。
  • 很多事都是無心之失，沒有人需要負責。
  • 這次只是無心之失，佢應該沒有惡意/ 唔係有心。
  • 這只是個別事件，不代表佢的人格、 品德或一般態度。
  • 一次還一次， 一件事還一件事。 否則我遲早會冤枉了佢。
  • 佢已經為這件事道歉/ 佢有悔意， 我應該要原諒佢、忘記這件事， 也不應再提起這事。
  • 佢一向都唔係咁，我應該相信佢嘅為人、佢對我的愛，我不要懷疑佢。
  • 這只是個別例子/個別弱點， 佢可能在這方面有特別的困難， 我不要太著眼在這地方， 我不要與佢計較， 在其他方面， 佢都很好。
  • 佢一向都唔係咁，我應該相信佢嘅為人。我要看大圖畫， 在很多方面，佢都愛我、關心我和家庭， 我要繼續相信佢。
  • 佢已經是一個很好的配偶。佢做的一些野，其他配偶也沒有做得咁好！
  • 我唔鐘意佢這行為，唔係唔鐘意佢成個人，我仍然愛佢！
  • 到目前為止，佢仍未做到滿意/仍未做好，但我要欣賞佢嘅努力，我要再給佢機會，不要睇死佢。
  • 佢有多次係咁，但下次可以唔係咁。我要相信佢，對佢有盼望，不要睇死佢。
  • 我們的默契不足夠，要一齊學習改善！
  • 佢已經夠好了， 我不應再過份要求。
  • 我要學會先改變自己，而不是要求佢改變。
  • 雖然佢講的說話難聽，佢的神情和語氣也不好，但是佢的提醒是出於善意，我要學習聽佢有道理的部分(縱然只是 1%)，我要改善自己，為我有責任的部分別負責。
  • 佢有弱點，亦有強項。
  • 我要學識欣賞/標明佢的長處、善意與所做的努力。
  • 雖然佢不能夠滿足我各方面的需要，我相信佢已經盡力而為。
  • 佢只是面對很大困難，照顧兒女很大壓力/面對工作很大壓力，並不是故意針對我，我要想想如何幫助佢面對困難和壓力。
  • 既然我沒有說出來，佢很難知道我心中的要求和期望，不知者不罪，我不要責怪佢。
  • 佢知道的有限，並不能全面地了解我所面對的處境，我不要怪佢不體諒，我要主動提供更多資料給佢，幫佢更加了解我嘅處境。
  • 這只是小事一宗，我冇乜所謂，不用上心、不需要記住。
  • 好小事啫！ 冇乜大不了！唔應該影響我哋嘅基本關係！
  • 這件事係佢的錯/佢的責任，但是我仍然可以選擇原諒佢、忘記這件事。
  • 雖然在這件事上，你有錯/有責任，但是現在對於我，這件事不再重要了！
  • 關於這件事，我已經原諒了你，不會再記住、不會再隱隱作痛了！
  • 佢只是今日疲勞/狀態欠佳/心情不好， 佢不是有心針對我 /冒犯我，我要體諒佢！
  • 這只是陰差陽錯， 佢不是有心唔理我。
  • 這件事純粹是不幸/唔好彩， 沒有人需要為這件事負責。
  • 男女大不同， 佢不了解我的需要也是很正常。
  • 我與佢的成長背景非常不同， 佢不了解/不體諒我的需要也是很正常，我要耐心地令佢了解我。
  • 大家有不同需要好正常，我們要好好地同對方商量一下:
    • 怎樣平衡大家不同的需求？怎樣有適當的共同生活和有適當的獨立生活?
  • 我們有很多不同的地方，但我們各自的優點彌補了對方的弱點，那是很好的！
  • 人人都係咁! 我們的婚姻不是特別差/我的配偶不是特別差。
  • 我要接受婚姻生活就是這樣，充滿甜酸苦辣！我們的關係已經夠好了！
  • 世上沒有完美的親密關係/愛情，我們的關係已經很好了!
  • 佢不是完美配偶，但佢已經夠好了!
  • 雖然你唔明白我的諗法、唔敏感我需要，但是你的心地善良，你對我是好的，我要學習接納你。
  • 愛是凡事包容，凡事相信，凡事盼望，凡事忍耐。
  • 家庭出了問題/孩子出了問題，不是任何人的錯，只是我們唔好彩，我們要同心解決問題。
  • 世上沒有完美的父母，我們都是足夠好的父母了！

若果我在親密關係中，容易向對方激動/有情緒 ：

  • 佢冇反應，唔代表佢唔緊張這段關係，唔代表佢離開這段關係，他只是手足無措，唔知點處理這種情景，等大家冷靜一下，問題自然會緩和/解決。
  • 佢未必係逃避問題，佢只是逃避我的情緒反應， 唔知點面對和處理我的情緒反應。
  • 我批評/踐踏/藐視佢，只會趕走佢， 這不是我想要的。我只希望佢留在我的身邊，和我一同處理問題， 我要先平靜自己的情緒，不要趕走佢。
  • 我越是激動，我越催逼/要求佢，佢就越走得老遠。我回復平靜，佢才會有機會返到我身邊。

若果我在親密關係中，容易沉默/逃避/停止回應對方：

  • 雖然現在我唔敢行近佢，但是我逃避佢不能解決問題，等大家平靜了，我們再開心見誠好好地討論吧!
  • 佢咁大反應，是因為我冇回應佢。等大家情緒冷靜之後，我給佢適當的回應，大家會容易啲處理問題，因為處理問題，唔可以少左我的參與。
  • 佢只不過是害怕失去我，所以有咁大反應，佢其實好緊張我們的關係。
  • 佢現在情緒好大，好像生人勿近，不過佢始終會平靜下來，那時就是與佢好好地處理問題的時機。
  • 佢現在情緒好大，我而家無法同佢討論，我先提出暫停，並承諾冷靜之後大家再討論。